Search

śrī-nārada uvāca evaṁ vṛtaḥ śata-dhṛtir hiraṇyakaśipor atha prādāt tat-tapasā prīto varāṁs tasya sudurlabhān

śrī-brahmovāca tāteme durlabhāḥ puṁsāṁ yān vṛṇīṣe varān mama tathāpi vitarāmy aṅga varān yadyapi durlabhān

tato jagāma bhagavān amoghānugraho vibhuḥ pūjito ’sura-varyeṇa stūyamānaḥ prajeśvaraiḥ

evaṁ labdha-varo daityo bibhrad dhemamayaṁ vapuḥ bhagavaty akarod dveṣaṁ bhrātur vadham anusmaran

sa vijitya diśaḥ sarvā lokāṁś ca trīn mahāsuraḥ devāsura-manuṣyendra- gandharva-garuḍoragān

siddha-cāraṇa-vidyādhrān ṛṣīn pitṛ-patīn manūn yakṣa-rakṣaḥ-piśāceśān preta-bhūta-patīn api

sarva-sattva-patīñ jitvā vaśam ānīya viśva-jit jahāra loka-pālānāṁ sthānāni saha tejasā

devodyāna-śriyā juṣṭam adhyāste sma tri-piṣṭapam mahendra-bhavanaṁ sākṣān nirmitaṁ viśvakarmaṇā trailokya-lakṣmy-āyatanam adhyuvāsākhilarddhimat

yasyāsti bhaktir bhagavaty akiñcanā sarvair guṇais tatra samāsate surāḥ

brahmaṇyaḥ śīla-sampannaḥ satya-sandho jitendriyaḥ ātmavat sarva-bhūtānām eka-priya-suhṛttamaḥ

dāsavat sannatāryāṅghriḥ pitṛvad dīna-vatsalaḥ bhrātṛvat sadṛśe snigdho guruṣv īśvara-bhāvanaḥ vidyārtha-rūpa-janmāḍhyo māna-stambha-vivarjitaḥ

śamo damas tapaḥ śaucaṁ kṣāntir ārjavam eva ca jñānaṁ vijñānam āstikyaṁ brahma-karma svabhāva-jam

nodvigna-citto vyasaneṣu niḥspṛhaḥ śruteṣu dṛṣṭeṣu guṇeṣv avastu-dṛk dāntendriya-prāṇa-śarīra-dhīḥ sadā praśānta-kāmo rahitāsuro ’suraḥ

yasmin mahad-guṇā rājan gṛhyante kavibhir muhuḥ na te ’dhunā pidhīyante yathā bhagavatīśvare

yaṁ sādhu-gāthā-sadasi ripavo ’pi surā nṛpa pratimānaṁ prakurvanti kim utānye bhavādṛśāḥ

guṇair alam asaṅkhyeyair māhātmyaṁ tasya sūcyate vāsudeve bhagavati yasya naisargikī ratiḥ

bahūnāṁ janmanām ante jñānavān māṁ prapadyate vāsudevaḥ sarvam iti sa mahātmā sudurlabhaḥ

nyasta-krīḍanako bālo jaḍavat tan-manastayā kṛṣṇa-graha-gṛhītātmā na veda jagad īdṛśam

sthāvara-jaṅgama dekhe, nā dekhe tāra mūrti sarvatra haya nija iṣṭa-deva-sphūrti

premāñjana-cchurita-bhakti-vilocanena santaḥ sadaiva hṛdayeṣu vilokayanti yaṁ śyāmasundaram acintya-guṇa-svarūpaṁ govindam ādi-puruṣaṁ tam ahaṁ bhajāmi