Search

śrī-yudhiṣṭhira uvāca gṛhastha etāṁ padavīṁ vidhinā yena cāñjasā yāyād deva-ṛṣe brūhi mādṛśo gṛha-mūḍha-dhīḥ

śrī-nārada uvāca gṛheṣv avasthito rājan kriyāḥ kurvan yathocitāḥ vāsudevārpaṇaṁ sākṣād upāsīta mahā-munīn

anāśritaḥ karma-phalaṁ kāryaṁ karma karoti yaḥ sa sannyāsī ca yogī ca na niragnir na cākriyaḥ

śṛṇvan bhagavato ’bhīkṣṇam avatāra-kathāmṛtam śraddadhāno yathā-kālam upaśānta-janāvṛtaḥ

sat-saṅgāc chanakaiḥ saṅgam ātma-jāyātmajādiṣu vimuñcen mucyamāneṣu svayaṁ svapnavad utthitaḥ

brahma-bhūtaḥ prasannātmā na śocati na kāṅkṣati samaḥ sarveṣu bhūteṣu mad-bhaktiṁ labhate parām

yāvad-artham upāsīno dehe gehe ca paṇḍitaḥ virakto raktavat tatra nṛ-loke naratāṁ nyaset

jñātayaḥ pitarau putrā bhrātaraḥ suhṛdo ’pare yad vadanti yad icchanti cānumodeta nirmamaḥ

divyaṁ bhaumaṁ cāntarīkṣaṁ vittam acyuta-nirmitam tat sarvam upayuñjāna etat kuryāt svato budhaḥ

sarva-yoniṣu kaunteya mūrtayaḥ sambhavanti yāḥ tāsāṁ brahma mahad-yonir ahaṁ bīja-pradaḥ pitā

prāpañcikatayā buddhyā hari-sambandhi-vastunaḥ mumukṣubhiḥ parityāgo vairāgyaṁ phalgu kathyate

annād bhavanti bhūtāni parjanyād anna-sambhavaḥ yajñād bhavati parjanyo yajñaḥ karma-samudbhavaḥ

yāvad bhriyeta jaṭharaṁ tāvat svatvaṁ hi dehinām adhikaṁ yo ’bhimanyeta sa steno daṇḍam arhati

idam adya mayā labdham imaṁ prāpsye manoratham idam astīdam api me bhaviṣyati punar dhanam

yat karoṣi yad aśnāsi yaj juhoṣi dadāsi yat yat tapasyasi kaunteya tat kuruṣva mad-arpaṇam

mṛgoṣṭra-khara-markākhu- sarīsṛp khaga-makṣikāḥ ātmanaḥ putravat paśyet tair eṣām antaraṁ kiyat

tri-vargaṁ nātikṛcchreṇa bhajeta gṛha-medhy api yathā-deśaṁ yathā-kālaṁ yāvad-daivopapāditam

āśvāghānte ’vasāyibhyaḥ kāmān saṁvibhajed yathā apy ekām ātmano dārāṁ nṛṇāṁ svatva-graho yataḥ

jahyād yad-arthe svān prāṇān hanyād vā pitaraṁ gurum tasyāṁ svatvaṁ striyāṁ jahyād yas tena hy ajito jitaḥ

kṛmi-viḍ-bhasma-niṣṭhāntaṁ kvedaṁ tucchaṁ kalevaram kva tadīya-ratir bhāryā kvāyam ātmā nabhaś-chadiḥ