Search

tāsāṁ tat-saubhaga-madaṁ vīkṣya mānaṁ ca keśavaḥ praśamāya prasādāya tatraivāntaradhīyata

śrī-bādarāyaṇir uvāca bhagavān api tā rātṛīḥ śāradotphulla-mallikāḥ vīkṣya rantuṁ manaś cakre yoga-māyām upāśritaḥ

tadoḍurājaḥ kakubhaḥ karair mukhaṁ prācyā vilimpann aruṇena śantamaiḥ sa carṣaṇīnām udagāc chuco mṛjan priyaḥ priyāyā iva dīrgha-darśanaḥ

bhaktiḥ pareśānubhavo viraktir anyatra caiṣa trika eka-kālaḥ prapadyamānasya yathāśnataḥ syus tuṣṭiḥ puṣṭiḥ kṣud-apāyo ’nu-ghāsam

yeneme nirjitāḥ saumya guṇā jīvena citta-jāḥ bhakti-yogena man-niṣṭho mad-bhāvāya prapadyate

yā mayā krīḍatā rātryāṁ vane ’smin vraja āsthitāḥ alabdha-rāsāḥ kalyāṇyo māpur mad-vīrya-cintayā

śrī-parīkṣid uvāca kṛṣṇaṁ viduḥ paraṁ kāntaṁ na tu brahmatayā mune guṇa-pravāhoparamas tāsāṁ guṇa-dhiyāṁ katham

śrī-śuka uvāca uktaṁ purastād etat te caidyaḥ siddhiṁ yathā gataḥ dviṣann api hṛṣīkeśaṁ kim utādhokṣaja-priyāḥ

kṛṣṇa-kāmās tadā gopyas tyaktvā dehaṁ divaṁ gatāḥ samyak kṛṣṇaṁ para-brahma jñātvā kālāt paraṁ yayuḥ

pūrvaṁ ca jñāna-saṁyuktās tatrāpi prāyaśas tathā atas tāsāṁ paraṁ brahma gatir āsīn na kāmataḥ

na tu jñānam ṛte mokṣo nānyaḥ pantheti hi śrutiḥ kāma-yuktā tadā bhaktir jñānaṁ cāto vimukti-gāḥ

ato mokṣe ’pi tāsāṁ ca kāmo bhaktyānuvartate mukti-śabdodito caidya- prabhṛtau dveṣa-bhāginaḥ

bhakti-mārgī pṛthaṅ muktim agād viṣṇu-prasādataḥ kāmas tv aśubha-kṛc cāpi bhaktyā viṣṇoḥ prasāda-kṛt

dveṣi-jīva-yutaṁ cāpi bhaktaṁ viṣṇur vimocayet aho ’ti-karuṇā viṣṇoḥ śiśupālasya mokṣaṇāt

nṛṇāṁ niḥśreyasārthāya vyaktir bhagavato nṛpa avyayasyāprameyasya nirguṇasya guṇātmanaḥ

kāmaṁ krodhaṁ bhayaṁ sneham aikyaṁ sauhṛdam eva ca nityaṁ harau vidadhato yānti tan-mayatāṁ hi te

bhaktyā hi nitya-kāmitvaṁ na tu muktiṁ vinā bhavet ataḥ kāmitayā vāpi muktir bhaktimatāṁ harau

sneha-bhaktāḥ sadā devāḥ kāmitsenāpsara-striyaḥ kāscit kāscin na kāmena bhaktyā kevalayaiva tu

patitvena śriyopāsyo brahmaṇā me piteti ca pitāmahatayānyeṣāṁ tridaśānāṁ janārdanaḥ

prapitāmaho me bhagavān iti sarva-janasya tu guruḥ śrī-brahmaṇo viṣṇuḥ surāṇāṁ ca guror guruḥ