Search

nātha yoni-sahasreṣu yeṣu yeṣu bhramāmy aham tatra tatrācyutā bhaktir acyutāstu dṛḍhā tvayi

sakṛd eva prapanno yas tavāsmīti ca yācate abhayaṁ sarvadā tasmai dadāmy etad vrataṁ mama

daivī hy eṣā guṇa-mayī mama māyā duratyayā mām eva ye prapadyante māyāṁ etāṁ taranti te

yat taṭa-sthaṁ tu cid-rūpaṁ sva-saṁvedyād vinirgatam rañjitaṁ guṇa-rāgeṇa sa jīva iti kathyate

māṁ ca yo ’vyabhicāreṇa bhakti-yogena sevate sa guṇān samatītyaitān brahma-bhūyāya kalpate

saṁsāra-cakra-krakacair vidīrṇam udīrṇa-nānā-bhava-tāpa-taptam kathañcid āpannam iha prapannaṁ tvam uddhara śrī-nṛhare nṛ-lokam

vijita-hṛṣīka-vāyubhir adānta-manas tura-gaṁ ya iha yatanti yantum ati-lolam upāya-khidaḥ vyasana-śatānvitāḥ samavahāya guroś caraṇaṁ vaṇija ivāja santy akṛta-karṇa-dharā jaladhau

tad-vijñānārthaṁ sa gurum evābhigacchet samit-pāṇiḥ śrotriyaṁ brahma-niṣṭham

naiṣā tarkeṇa matir āpaneyā proktānyenaiva su-jñānāya preṣṭha

yuñjānānām abhaktānāṁ prāṇāyāmādibhir manaḥ akṣīṇa-vāsanaṁ rājan dṛśyate punar utthitam

nṛ-deham ādyam su-labhaṁ su-durlabhaṁ plavaṁ su-kalpaṁ guru-karṇa-dhāram mayānukūlena nabhasvateritaṁ pumān bhavābdhiṁ na taret sa ātma-hā

yadā parānanda-guro bhavat-pade padaṁ mano me bhagaval labheta tadā nirastākhila-sādhana-śramaḥ śrayeya saukhyaṁ bhavataḥ kṛpātaḥ

svajana-sutātma-dāra-dhana-dhāma-dharāsu-rathais tvayi sati kiṁ nṛṇām śrayata ātmani sarva-rase iti sad ajānatāṁ mithunato rataye caratāṁ sukhayati ko nv iha sva-vihate sva-nirasta-bhage

parīkṣya lokān karma-citān brāhmaṇo nirvedam āyān nāsty akṛtaḥ kṛtena

yadā sarve pramucyante kāmā ye ’sya hṛdi śritāḥ atha martyo ’mṛto bhavaty atra brahma samaśnute

bhajato hi bhavān sākṣāt paramānanda-cid-dhanaḥ ātmaiva kim ataḥ kṛtyaṁ tuccha-dāra-sutādibhiḥ

bhuvi puru-puṇya-tīrtha-sadanāny ṛṣayo vimadās ta uta bhavat-padāmbuja-hṛdo ’gha-bhid-aṅghri-jalāḥ dadhati sakṛn manas tvayi ya ātmani nitya-sukhe na punar upāsate puruṣa-sāra-harāvasathān

bhidyate hṛdaya-granthiś chidyante sarva-saṁśayāḥ kṣīyante cāsya karmāṇi tasmin dṛṣṭe parāvare

muñcann aṅga tad aṅga-saṅgam aniśaṁ tvām eva sañcintayan santaḥ santi yato yato gata-madās tān āśramān āvasan nityaṁ tan-mukha-paṅkajād vigalita-tvat-puṇya-gāthāmṛta- srotaḥ-samplava-sampluto …

sata idaṁ utthitaṁ sad iti cen nanu tarka-hataṁ vyabhicarati kva ca kva ca mṛṣā na tathobhaya-yuk vyavahṛtaye vikalpa iṣito ’ndha-paramparayā …