Search

śrī-rājovāca devāsura-manuṣyesu ye bhajanty aśivaṁ śivam prāyas te dhanino bhojā na tu lakṣmyāḥ patiṁ harim

etad veditum icchāmaḥ sandeho ’tra mahān hi naḥ viruddha-śīlayoḥ prabhvor viruddhā bhajatāṁ gatiḥ

śrī-śuka uvāca śivaḥ śakti-yutaḥ śaśvat tri-liṅgo guṇa-saṁvṛtaḥ vaikārikas taijasaś ca tāmasaś cety ahaṁ tridhā

tato vikārā abhavan ṣoḍaśāmīṣu kañcana upadhāvan vibhūtīnāṁ sarvāsām aśnute gatim

harir hi nirguṇaḥ sākṣāt puruṣaḥ prakṛteḥ paraḥ sa sarva-dṛg upadraṣṭā taṁ bhajan nirguṇo bhavet

vastuno guṇa-sambandhe rūpa-dvayam iheṣyate tad-dharmāyoga-yogābhyāṁ bimba-vat pratibimba-vat

guṇāḥ sattvādayaḥ śānta- ghora-mūḍhāḥ svabhāvataḥ viṣṇu-brahma-śivānāṁ ca guṇa-yantṛ-svarūpiṇām

nāti-bhedo bhaved bhedo guṇa-dharmair ihāṁśataḥ sattvasya śāntyā no jātu viṣṇor vikṣepa-mūḍhate

rajas-tamo-guṇābhyāṁ tu bhavetāṁ brahma-rudrayoḥ guṇopamardato bhūyas tad-amśānāṁ ca bhinnatā

ataḥ samagra-sattvasya viṣṇor mokṣa-karī matiḥ aṁśato bhūti-hetuś ca tathānanda-mayī svataḥ

aṁśatas tāratamyena brahma-rudrādi-sevinām vibhūtayo bhavanty eva śanair mokṣo py anaṁśataḥ

tadā mahā-kāruṇiko sa dhūrjaṭir yathā vayaṁ cāgnir ivotthito ’nalāt nigṛhya dorbhyāṁ bhujayor nyavārayat tat-sparśanād bhūya upaskṛtākṛtiḥ

tam āha cāṅgālam alaṁ vṛṇīṣva me yathābhikāmaṁ vitarāmi te varam prīyeya toyena nṛṇāṁ prapadyatām aho tvayātmā bhṛśam ardyate vṛthā

devaṁ sa vavre pāpīyān varaṁ bhūta-bhayāvaham yasya yasya karaṁ śīrṣṇi dhāsye sa mriyatām iti

tac chrutvā bhagavān rudro durmanā iva bhārata om iti prahasaṁs tasmai dade ’her amṛtaṁ yathā

sa tad-vara-parīkṣārthaṁ śambhor mūrdhni kilāsuraḥ sva-hastaṁ dhātum ārebhe so ’bibhyat sva-kṛtāc chivaḥ

tenopasṛṣṭaḥ santrastaḥ parādhāvan sa-vepathuḥ yāvad antaṁ divo bhūmeḥ kaṣṭhānām udagād udak

ajānantaḥ prati-vidhiṁ tūṣṇīm āsan sureśvarāḥ tato vaikuṇṭham agamad bhāsvaraṁ tamasaḥ param

yatra nārāyaṇaḥ sākṣān nyāsināṁ paramo gatiḥ śāntānāṁ nyasta-daṇḍānāṁ yato nāvartate gataḥ

taṁ tathā vyasanaṁ dṛṣṭvā bhagavān vṛjinārdanaḥ dūrāt pratyudiyād bhūtvā baṭuko yoga-māyayā