Search

evaṁ pralabdhā munayas tān ūcuḥ kupitā nṛpa janayiṣyati vo mandā muṣalaṁ kula-nāśanam

tac chrutvā te ’ti-santrastā vimucya sahasodaram sāmbasya dadṛśus tasmin muṣalaṁ khalv ayasmayam

kiṁ kṛtaṁ manda-bhāgyair naḥ kiṁ vadiṣyanti no janāḥ iti vihvalitā gehān ādāya muṣalaṁ yayuḥ

tac copanīya sadasi parimlāna-mukha-śriyaḥ rājña āvedayāṁ cakruḥ sarva-yādava-sannidhau

śrutvāmoghaṁ vipra-śāpaṁ dṛṣṭvā ca muṣalaṁ nṛpa vismitā bhaya-santrastā babhūvur dvārakaukasaḥ

tac cūrṇayitvā muṣalaṁ yadu-rājaḥ sa āhukaḥ samudra-salile prāsyal lohaṁ cāsyāvaśeṣitam

kaścin matsyo ’grasīl lohaṁ cūrṇāni taralais tataḥ uhyamānāni velāyāṁ lagnāny āsan kilairakāḥ

matsyo gṛhīto matsya-ghnair jālenānyaiḥ sahārṇave tasyodara-gataṁ lohaṁ sa śalye lubdhako ’karot

bhagavān jñāta-sarvārtha īśvaro ’pi tad-anyathā kartuṁ naicchad vipra-śāpaṁ kāla-rūpy anvamodata

sva-mūrtyā loka-lāvaṇya- nirmuktyā locanaṁ nṛṇām gīrbhis tāḥ smaratāṁ cittaṁ padais tān īkṣatāṁ kriyāḥ

ācchidya kīrtiṁ su-ślokāṁ vitatya hy añjasā nu kau tamo ’nayā tariṣyantīty agāt svaṁ padam īśvaraḥ

yām imāṁ puṣpitāṁ vācaṁ pravadanty avipaścitaḥ veda-vāda-ratāḥ pārtha nānyad astīti vādinaḥ

kāmātmānaḥ svarga-parā janma-karma-phala-pradām kriyā-viśeṣa-bahulāṁ bhogaiśvarya-gatiṁ prati

śrī-rājovāca brahmaṇyānāṁ vadānyānāṁ nityaṁ vṛddhopasevinām vipra-śāpaḥ katham abhūd vṛṣṇīnāṁ kṛṣṇa-cetasām

yan-nimittaḥ sa vai śāpo yādṛśo dvija-sattama katham ekātmanāṁ bheda etat sarvaṁ vadasva me

śrī-bādarāyaṇir uvāca bibhrad vapuḥ sakala-sundara-sanniveśaṁ karmācaran bhuvi su-maṅgalam āpta-kāmaḥ āsthāya dhāma ramamāṇa udāra-kīṛtiḥ saṁhartum aicchata kulaṁ sthita-kṛtya-śeṣaḥ

karmāni puṇya-nivahāni su-maṅgalāni gāyaj-jagat-kali-malāpaharāṇi kṛtvā kālātmanā nivasatā yadu-deva-gehe piṇḍārakaṁ samagaman munayo nisṛṣṭāḥ

viśvāmitro ’sitaḥ kaṇvo durvāsā bhṛgur aṅgirāḥ kaśyapo vāmadevo ’trir vasiṣṭho nāradādayaḥ

krīḍantas tān upavrajya kumārā yadu-nandanāḥ upasaṅgṛhya papracchur avinītā vinīta-vat

te veṣayitvā strī-veṣaiḥ sāmbaṁ jāmbavatī-sutam eṣā pṛcchati vo viprā antarvatny asitekṣaṇā