Verse Index

īśvaraḥ paramaḥ kṛṣṇaḥ sac-cid-ānanda-vigrahaḥ anādir ādir govindaḥ sarva-kāraṇa-kāraṇam

sahasra-patra-kamalaṁ gokulākhyaṁ mahat padam tat-karṇikāraṁ tad-dhāma tad-anantāṁśa-sambhavam

karṇikāraṁ mahad yantraṁ ṣaṭ-koṇaṁ vajra-kīlakam ṣaḍ-aṅga-ṣaṭ-padī-sthānaṁ prakṛtyā puruṣeṇa ca premānanda-mahānanda- rasenāvasthitaṁ hi yat jyotī-rūpeṇa manunā kāma-bījena saṅgatam

tat-kiñjalkaṁ tad-aṁśānāṁ tat-patrāṇi śriyām api

catur-asraṁ tat-paritaḥ śvetadvīpākhyam adbhutam catur-asraṁ catur-mūrteś catur-dhāma catuṣ-kṛtam caturbhiḥ puruṣārthaiś ca caturbhir hetubhir vṛtam śūlair daśabhir ānaddham ūrdhvādho dig-vidikṣv api …

evaṁ jyotir-mayo devaḥ sad-ānandaḥ parāt paraḥ ātmārāmasya tasyāsti prakṛtyā na samāgamaḥ

māyayāramamāṇasya na viyogas tayā saha ātmanā ramayā reme tyakta-kālaṁ sisṛkṣayā

niyatiḥ sā ramā devi tat-priyā tad-vaśaṁ tadā tal-liṅgaṁ bhagavān śambhur jyotī-rūpaḥ sanātanaḥ yā yoniḥ sāparā śaktiḥ kāmo bījaṁ mahad dhareḥ

liṅga-yony-ātmikā jātā imā māheśvarī-prajāḥ

śaktimān puruṣaḥ so 'yaṁ liṅga-rūpī maheśvaraḥ tasminn āvirabhūl liṅge mahā-viṣṇur jagat-patiḥ

sahasra-śīrṣā puruṣaḥ sahasrākṣaḥ sahasra-pāt sahasra-bāhur viśvātmā sahasrāṁśaḥ sahasra-sūḥ

nārāyaṇaḥ sa bhagavān āpas tasmāt sanātanāt āvirāsīt kāraṇārṇo nidhiḥ saṅkarṣaṇātmakaḥ yoga-nidrāṁ gatas tasmin sahasrāṁśaḥ svayaṁ mahān

tad-roma-bila jāleṣu bījaṁ saṅkarṣaṇasya ca haimāny aṇḍāni jātāni mahā-bhūtāvṛtāni tu

praty-aṇḍam evam ekāṁśād ekāṁśād viśati svayam sahasra-mūrdhā viśvātmā mahā-viṣṇuḥ sanātanaḥ

vāmāṅgād asṛjad viṣṇuṁ dakṣiṇāṅgāt prajāpatim jyotir-liṅga-mayaṁ śambhuṁ kūrca-deśād avāsṛjat

ahaṅkārātmakaṁ viśvaṁ tasmād etad vyajāyata

atha tais tri-vidhair veśair līlām udvahataḥ kila yoga-nidrā bhagavatī tasya śrīr iva saṅgatā

sisṛkṣāyāṁ tato nābhes tasya padmaṁ viniryayau tan-nālaṁ hema-nalinaṁ brahmaṇo lokam adbhutam

tattvāni pūrva-rūḍhāni kāraṇāni parasparam samavāyāprayogāc ca vibhinnāni pṛthak pṛthak cic-chaktyā sajjamāno 'tha bhagavān ādi-pūruṣaḥ yojayan māyayā devo yoga-nidrām akalpayat

yojayitvā tu tāny eva praviveśa svayaṁ guhām guhāṁ praviṣṭe tasmiṁs tu jīvātmā pratibudhyate